ஸ்ரீராம் மெட்ரிக் பள்ளியில் பன்னிரண்டாம் வகுப்பு படிக்கும் பள்ளி மாணவியின் மீது இருசக்கர வாகனம் மோதி விட்டு நிற்காமல் போன சம்பவம் ஸ்பீடு பிரேக்கர் அமைக்க சமூக ஆர்வலர்கள் கோரிக்கை.

கடலூர் மாவட்டம் குறிஞ்சிப்பாடியில் ஸ்ரீராம் மெட்ரிக் பள்ளி இயங்கி வருகிறது பள்ளியில் 1000க்கும் மேற்பட்ட மாணவர்கள் படித்து வருகின்றனர். இந்த பள்ளிக்கு வரும் மாணவ மாணவிகள் மற்றும் பள்ளிக்கு அழைத்து வரும் உறவினர்கள் பெற்றோர்கள் இந்த சாலையை கடந்து பள்ளிக்கு செல்லும் போது அடிக்கடி விபத்துக்கள் ஏற்பட்டு வருகின்றன இதுவரை சிறு சிறு விபத்துகளே நடைபெற்று வந்த நிலையில் இன்று காலையில் கூட பன்னிரண்டாம் வகுப்பு படிக்கும் மாணவி சைக்கிள் விட்டு இறங்கி பள்ளிக்குச் செல்ல சாலையை கடக்கும் போது விருதாச்சலம் சாலையிலிருந்து கடலூர் நோக்கி சென்று கொண்டிருந்த  இருசக்கர வாகனம் பள்ளி மாணவியின்  மீது மோதி நிற்காமல் சென்று விட்டார் இந்த பள்ளி மாணவி சிறு காயத்துடன் மயிரிழையில் அதிர்ஷ்டவசமாக உயிர் தப்பினார். 

இது போன்று தினசரி இந்த இடத்தில் பல விபத்து சம்பவங்கள் நடைபெற்று வருகின்றன இதற்கு காரணம் அந்த இடத்தில் ஸ்பீடு பிரேக்கர் இல்லாததனால் கடலூரில் இருந்து வரும் வாகனங்களும் விருதாச்சலத்தில் இருந்து வரும் வாகனங்களும் பள்ளியை அருகே சாலையை வேகமாக கடந்து செல்லும்போது பள்ளி மாணவ மாணவியர்களை அழைத்து வரும் பெற்றோர்களும் அடிக்கடி விபத்தில் சிக்கி வருகின்றனர், பலமுறை சமூக ஆர்வலர்கள் நெடுஞ்சாலைத் துறை அதிகாரிகளிடம் முறையிட்டும் கண்டுகொள்ளப்படவில்லை என கூறப்படுகிறது.

சம்பந்தப்பட்ட கடலூர் மாவட்ட நிர்வாகம் உடனடியாக பள்ளி எதிரில் ஸ்பீடு பிரேக்கர் அமைக்க நடவடிக்கை எடுக்க வேண்டும் எனவும்  பள்ளி நிர்வாகம் பள்ளி ஆரம்பிக்கும் நேரங்களிலும் பள்ளி விடும் நேரங்களிலும்  ஆட்களை நியமித்து பள்ளி மாணவ மாணவிகளை பாதுகாப்பாக சாலையை கடக்க  ஏற்பாடு செய்ய வேண்டும் எனவும் சமூக ஆர்வலர்கள் கோரிக்கை வைக்கின்றனர்.