வடலூர் அருகே ஆவணங்கள் இன்றி எடுத்துச் செல்லப்பட்ட பணம் 1.25 லட்சம் பறிமுதல்.

கடலூர் மாவட்டம் வடலூர் அருகே கருங்குழி பகுதியில் வாகன சோதனையில்  தேர்தல் பறக்கும் படையினர் ஈடுபட்டனர். அப்போது சேத்தியாத்தோப்புபகுதியில் இருந்து வடலூர் நோக்கி செல்வதற்காக  வந்த வாகனத்தை நிறுத்தி சோதனை செய்தனர். வாகனத்தில் வடலூரைச் சேர்ந்த ராஜலிங்கம் என்பவரால் எவ்வித ஆவணங்களும் இன்றி எடுத்துச் செல்லப்பட்ட 1.25 இலட்சம் ரூபாய் பணத்தை கைப்பற்றினர். பின்னர் அப்பணம் குறிஞ்சிப்பாடி வட்டாட்சியர் அலுவலகத்தில் ஒப்படைக்கப்பட்டது.