கடலூர் மாவட்டம் குறிஞ்சிப்பாடி பேருந்து நிலையம் அருகில் சுமார் மூன்று தலைமுறைகளாக குடிசை பகுதியில் வசிக்கும் பொதுமக்களுக்கு மத்திய மாநில அரசாங்கம் செய்யக்கூடிய எந்த ஒரு சலுகைகளையும் இது நாள் வரையில் அனுபவித்துக் கொள்ள முடியாமல் ஒரு அடிப்படை வசதி கூட செய்து கொள்ள முடியாமல் வசித்து வரும் 70-க்கும் மேற்பட்ட குடும்பங்களுக்கு வசிப்பதற்கு குறிஞ்சிப்பாடி தாசில்தார் பட்டா தராமல் தனியார் கோயில் நிர்வாகிகளிடம் ஆதாயம் பெற்றுக் கொண்டு தனியார் கோயிலுக்கு அரசு புறம்போக்கு இடத்தை பட்டா வழங்கி உள்ளனர்.
தனியார் கோயில் நிர்வாகிகள் இந்த ஆவணத்தை வைத்துக்கொண்டு குடிசைப் பகுதியில் வசிக்கும் பொது மக்களிடம் கோயிலை நிர்வாகம் செய்ய எங்களுக்கு வாடகை தர வேண்டும் எனக் கேட்டதால் நாங்கள் எதற்கு வாடகை தர வேண்டும் நாங்கள் பல ஆண்டுகளாக வசித்து வருகிறோம். முறையாக தாசில்தார் எங்களுக்கு தான் பட்டா வழங்கி இருக்க வேண்டும் ஆகையால் நாங்கள் வாடகை தர மாட்டோம் என்று கூறிய பொதுமக்களிடம் எங்களுக்கு தான் இந்த இடம் சொந்தம் இந்த வாடகை வைத்து தான் நாங்கள் கோயிலை நிர்வகிக்க முடியும் என்று பொதுமக்களை ஏமாற்றி மிரட்டி கூறி வருமானத்தைப் பெற்று தனியார் சுப்பிரமணிய சுவாமி திருக்கோயிலை நிர்வாகித்து வருகின்றனர்.
சட்டப்படி அரசு புறம்போக்கு இடத்தை தனியார் கோயிலுக்கு கொடுக்க முடியாது. தனியார் கோயிலுக்கு வருமானத்திற்காக அரசு இடத்தை எப்படி அரசு கொடுக்க முடியும் மேலும் ஒரு தனியார் கோயிலை வந்து பொதுமக்களுடைய பங்கீட்டு இருக்கும் பட்சத்தில் அந்த தனியார் கோயிலை அரசாங்கம் எடுத்துக் கொள்ள வேண்டும் என்று சட்டம் கூறுகிறது. இது போன்ற சீட்டிங் செய்பவர் தாசில்தாராக இருந்தாலும் சரி யாராக இருந்தாலும் சரி மதுரை உயர்நீதிமன்றத்திலும் மற்றும் சென்னை உயர் நீதிமன்ற நீதிபதிகள் அடங்கிய ஒரு பெஞ்ச் இது போன்ற புகார்கள் வந்தால் அந்த புகாரின் மீது அந்த பகுதியில் உள்ள காவல் துறை அதிகாரியே தாசில்தாராக இருந்தாலும் யாராக இருந்தாலும் அவர்கள் மீது நடவடிக்கை எடுக்கலாம் என்று தீர்ப்பு வழங்கி உள்ளது.
ஆகையால் மேற்கண்ட தீர்ப்பின் அடிப்படையில் சுமார் மூன்று தலைமுறைகளாக குடிசைப் பகுதியில் வசிக்கும் குடும்பங்களுக்கு பட்டா தராமல் 1994,95,ஆம் ஆண்டில் அப்போதிருந்த தாசில்தார் தனியார் கோயில் நிர்வாகிகளிடம் ஆதாயம் பெற்றுக் கொண்டு கோயிலுக்கு பட்டா கொடுத்த தாசில்தார் மீதும் தற்போது இருக்கும் தாசில்தாரிடம் பட்டா கேட்டு குடிசைப்பகுதில் வசிக்கும் மக்கள் மனு கொடுத்தும் இது நாள் வரையில் மனு மீது நடவடிக்கை எடுக்காத தாசில்தார் மீதும் நாங்கள் குறிஞ்சிப்பாடி காவல் நிலையத்தில் உள்ள காவல் உதவி ஆய்வாளருக்கு பதிவு தபால்கள் மூலம் அளித்த புகாரை விசாரித்து 1994,95 இல் செயல்பட்ட தாசில்தார் மீதும் தற்போது உள்ள தாசில்தார் மீதும் குறிஞ்சிப்பாடி காவல் உதவி ஆய்வாளர் அவர்கள் புகாரை விசாரித்து வழக்கு பதிவு செய்ய வேண்டும் எனவும் கோரிக்கை வைக்கின்றனர்.
மேலும் நடவடிக்கை இல்லை என்றால் குறிப்பிட்ட சில நாட்களுக்குள் குடிசையில் வாழும் 40 க்கும் மேற்பட்ட குடும்பங்கள் குடும்பத்துடன் வந்து குறிஞ்சிப்பாடி காவல் நிலையம் எதிரே முற்றுகையிட போவதாக அப்பகுதி பொதுமக்கள் தெறிவித்துள்ளனர். மேலும் தனியார் சுப்ரமணிய சுவாமி திருக் கோயிலை நிர்வாகிக்க பொதுமக்களின் பங்கீட்டை பெற்று நிர்வாகித்து வரும் கோயிலை ஏற்கனவே அரசு அறிவித்த தனியார் கோயில்களுக்கு பொது மக்களின் பங்கீட்டு இருக்கும் பட்சத்தில் அந்த கோயிலை அரசாங்கம் எடுத்துக் கொள்ள வேண்டும் என்று சட்டம் கூறுகிறது இதன் அடிப்படையில் கடலூர் மாவட்ட இந்து சமய அறநிலைத்துறை அதிகாரிகளுக்கு தனியார் சுப்பிரமணிய சுவாமி கோயிலை அரசுடமையாக்க வேண்டும் என குடிசை வாழ் பொதுமக்கள் மனு அளிக்கப் போவதாக கூறியுள்ளனர்.
மேலும் குறிஞ்சிப்பாடி பேருந்து நிலையம் அருகில் வசிக்கும் குடிசை வாழ் மக்கள் அனைவரும் குறிஞ்சிப்பாடி காவல் உதவி ஆய்வாளரிடம் கொடுத்த புகாரின் மீது நடவடிக்கை எடுக்க மறுக்கும் பட்சத்தில் தாசில்தார்களுடன் காவல்துறை அதிகாரிகளையும் சேர்த்து நீதிமன்றத்தில் தனி தனி புகாராக பதிவு செய்யப்போவதாகவும் அப்பகுதி மக்கள் கூறியுள்ளனர்.
No comments:
Post a Comment