சேத்தியாத்தோப்பு அருகே பெரிய நெற்குணம் கிராமத்தில் மூங்கில் காடு மர்மமான முறையில் தீப்பிடித்தது

சேத்தியாத்தோப்பு அருகே பெரிய நெற்குணம் கிராமத்தில் மூங்கில் காடு மர்மமான முறையில் தீப்பிடித்தது. 

கடலூர் மாவட்டம் சேத்தியாத்தோப்பு அருகே உள்ளது பெரிய நெற்குணம் கிராமம். இக்கிராமத்தில் உள்ள சின்னப்பா என்பவரின் மகன் தர்மலிங்கத்திற்கு தோட்டத்தில் மூங்கில் தோப்பு உள்ளது.

 

 

22/02/2023 புதன்கிழமை மதியம் சேத்தியாத்தோப்பு சந்தை தோப்பில் அமைந்துள்ள தீயணைப்பு நிலையத்திற்கு பெரிய நெற்குணம் கிராமத்திலிருந்து தொலைபேசியில் அழைப்பு வந்திருக்கிறது. தங்கள் ஊரில் மூங்கில் தோப்பு தீப்பிடித்து எரிந்து கொண்டிருப்பதாகவும் அந்த தீயை தங்கள் ஊர்க்காரர்களால் கட்டுப்படுத்தி அணைக்க முடியவில்லையென்றும் ஆகவே நீங்கள் தீயணைப்பு நிலையத்திலிருந்து உடனடியாக புறப்பட்டு வந்து தீயை அணைக்க வேண்டும் என்றும் கேட்டுக் கொள்ளப்பட்டிருக்கிறது.

இதனை அறிந்த சேத்தியாத்தோப்பு தீயணைப்பு நிலைய அலுவலக அதிகாரி அறிவழகன் தலைமையில் ஒரு குழுவாக புறப்பட்டு சென்ற தீயணைப்பு வீரர்கள் மிகவும் துரிதமாக செயல்பட்டு முதலில் மூங்கில் தோப்பின் கீழ்பாகத்தில் உள்ள காய்ந்த சருகுகளின் மீது தண்ணீரை பீய்ச்சி அடித்து அந்த காய்ந்த சருகுகளை ஈரமாக்கிவிட்டு பின்னர் மூங்கில் புதர்களின் மீது பைப் மூலம் தண்ணீரை செலுத்திட கொழுந்துவிட்டு எரிந்து கொண்டிருந்த தீயானது மெல்ல மெல்ல தனது எரியும் பரப்பளவை குறைத்துக் கொண்டு கட்டுக்குள் வந்தது. சிற்சில மரங்கள் தீப்பிடித்து எரிந்தி ருந்தாலும் மற்ற மூங்கில்புதர்கள் தீயில் இருந்து காப்பாற்றப்பட்டது.

  

அழைத்தவுடன் வந்து சமயோகிதமாக யோசித்து செயல்புரிந்து சில மணி நேரத்தில் தீயை கட்டுப்படுத்தி கட்டுப்பாட்டுக்குள் கொண்டு வந்த நிலைய அதிகாரி அறிவழகன் தலைமையில் சென்ற தீயணைப்பு வீரர்களை மூங்கில் தோப்பின் உரிமையாளரும் பெரிய நெற்குணம் கிராம மக்களும் பாராட்டினர்.