உங்களை தேடி உங்கள் ஊரில் திட்டத்தின் கீழ் குறிஞ்சிப்பாடி மற்றும் சுற்றுவட்டார பகுதிகளில் உள்ள பல்வேறு அரசு துறை சார்ந்த அலுவலர்களில் மாவட்ட ஆட்சியர் ஆய்வு.

தமிழக முதல்வர் மு.க ஸ்டாலின் அவர்கள் மக்களை நாடி மக்கள் குறைகளை கேட்டு உடனுக்குடன் தீர்வு காண பொதுமக்களை தங்கள் இருப்பிட பகுதிகளிலே அதிகாரிகள் நேரடியாக களத்திற்கு வரும் உங்களைத் தேடி உங்கள் ஊரில் என்று புதிய திட்டத்தை அறிவித்ததின் அடிப்படையில் உங்களை தேடி உங்கள் ஊரில்  சிறப்பு திட்டத்தின் கீழ் கடலூர் மாவட்ட ஆட்சியர் டாக்டர் அருண் தம்புராஜ் அவர்கள் குறிஞ்சிப்பாடி வட்டத்தில் உங்களை தேடி உங்கள் ஊரில் திட்டத்தின்  கீழ் குறிஞ்சிப்பாடி வருவாய்  வட்டாட்சியர் அலுவலகம், குறிஞ்சிப்பாடி பேருந்து நிலையம், குறிஞ்சிப்பாடி பேரூராட்சி அலுவலகம் மற்றும் குறிஞ்சிப்பாடி பேரூராட்சிக்கு உட்பட்ட பகுதிகளில் நடைபெறும் திட்ட பணிகள் மற்றும் குறிஞ்சிப்பாடி தொடக்க வேளாண்மை கூட்டுறவு கடன் சங்கம், குறிஞ்சிப்பாடி அரசு மருத்துவமனை, குறிஞ்சிப்பாடி ஒழுங்குமுறை விற்பனை கூடம், குறிஞ்சிப்பாடி அருகே உள்ள ஆடூர்அகரம் நேரடி நெல் கொள்முதல் நிலையம் மற்றும் ரங்கநாதபுரம் பகுதியில் உள்ள இலங்கை தமிழர்கள் மறுவாழ்வு இல்லம், வடலூர் அருகே கருங்குழி பகுதியில் உள்ள ஊராட்சி ஒன்றிய துவக்கப்பள்ளி உள்ளிட்ட குறிஞ்சிப்பாடி ஒன்றியத்துக்கு உட்பட்ட பல்வேறு இடங்களில் ஆய்வு மேற்கொண்டார்.

தொடர்ந்து குறிஞ்சிப்பாடி ஊராட்சி ஒன்றிய அலுவலகத்தில் மாவட்ட ஆட்சித் தலைவர் அவர்கள் தலைமையில் மாவட்ட காவல் கண்காணிப்பாளர் ராஜாராம் மற்றும் மாவட்ட வருவாய் அலுவலர் ஆகியோர் முன்னிலையில் பல்வேறு துறை அலுவலர்களுடன் இன்று மேற்கொள்ளப்பட்ட கள ஆய்வு குறித்து விரிவான ஆய்வு மேற்கொண்டு பல்வேறு ஆலோசனைகளை வழங்கினார் இந்நிகழ்வில் பல்வேறு துறை சார்ந்த அதிகாரிகள் மற்றும் அரசு அலுவலர்கள் ஆகியோர் உடன் இருந்தனர்.